Get Adobe Flash player

ຄະນະຮາກຖານຊາວໜຸ່ມພະແນກສາທາລະນະສຸກ ແຂວງສາລະວັນ ເປີດກອງປະຊຸມໃຫ່ຍຄັ້ງທີ IV

         ເພື່ອປະຕິບັດຕາມກົດລະບຽບຂອງຄະນະຊາວໜຸ່ມ ປະຊາຊົນ ປະຕິວັດລາວ ສະໄໝທີ VII ໝວດທີ V ມາດຕາທີ 24 ວ່າດ້ວຍ ລະບຽບການເປີດກອງປະຊຸມໃຫ່ຍ ວັນທີ 9 ພະຈິ 2018 ນີ້ ໜ່ວຍຮາກຖານຊາວໜຸ່ມພະແນກສາທາລະນະສຸກ ແຂວງສາລະວັນ ເປີດກອງປະຊຸມໃຫ່ຍຄັ້ງທີ IV

  ຂື້ນຫອ້ງປະຊຸມ ພະແນກສາທາລະນະສຸກ ແຂວງ ພາຍໄຕ້ການເປັນປະທານຂອງທ່ານ ດຣ ສົມໝາຍ ແກ້ມມະນີ ຄະນະບໍລິຫານງານຊາວໜຸ່ມແຂວງສາລະວັນ  ເລຂາໜ່ວຍຮາກຖານຊາວໜຸ່ມພະແນກສາທາແຂວງສາລະວັນ  ເປັນກຽດເຂົ້າຮ່ວມມີ ທ່ານ ຈັນສີລອນ  ສີສົມບູນ ກຳມະການພັກແຂວງ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງສາລະວັນ , ທ່ານ ບົວໄລ ແສນແກ້ວມີກໍ ກຳມະການພັກແຂວງ ເລຂາໜ່ວຍພັກພະແນກສາທາ ແຂວງສາລະວັນ  ພອ້ມດວ້ຍແຂກຖືກເຊີນ ແລະ ສະມາຊິກຊາວໜຸ່ມເຂົ້າຮ່ວມ ທັງໝົດ 133 ທ່ານ , ຍິງ 98 ທ່ານ.

      ກອງປະຊຸມໄດ້ຮັບຟັງບົດລາຍງານການເມືອງຜົນງານໃນໄລຍະ 3 ປີ ຜ່ານມາ ແລະ ຜ່ານທິດທາງແຜນການໃນຕໍ່ໜ້າ 2018 – 2023 ສະເໜີໂດຍ ທ່ານ ດຣ ສົມໝາຍ ແກ້ວມະນີ  ເລຂາໜ່ວຍຮາກຖານມີສະມາຊິກຊາວໜຸ່ມທັງໝົດ 209 ທ່ານ, ຍິງ 143 ທ່ານ. ມີກອງທືນທັງໝົດ 2.031.000 ກີບ. ຜ່ານການຈັດຕັ້ງປະຕິບັດວຽກງານໃນໄລຍະ 3 ປີຜ່ານມາ ສະມາຊິກຊາວໜຸ່ມແມ່ນມີຄວາມເປັນເອກະພາບສູງໃນການຈັດປະຕິບັດການເຄື່ອນໄຫວວຽກງານຊາວໜຸ່ມ ໂດຍການຖືເອົາວຽກງານສຶກສາອົບຮົມການເມືອງແນວຄິດຕິດພັນກັບການປັບປຸງການຈັດຕັ້ງ ແລະ ວຽກງານຂະບວນການ, ເປັນເຈົ້າການໃນການປະຕິບັດແນວທາງນະໂຍບາຍຂອງພັກ-ລະບຽບກົດໝາຍຂອງລັດ ຢ່າງຕັ້ງໜ້າ ເຊິ່ງຕີລາຄາໃຫ້ເຫັນວ່າ: ສະມາຊິກຊາວໜຸ່ມສາມາດຍາດໄດ້ໃບຍ້ອງຍໍຂັ້ນເລຂາຄະນະບໍລິຫານງານຊາວໜຸ່ມແຂວງ 109 ທ່ານ, ຍິງ 60 ທ່ານ, ຍ້ອງຍໍຂັ້ນກົມກອງ 6187 ທ່ານ, ຍິງ 89 ທ່ານ, ກອງປະຊຸມກໄດ້ປ່ອນບັດຄັດເລືອກເອົາຄະນະໜ່ວຍຊຸດໃໝ່ ເຊິ່ງມີຜູ້ສະໝັກໃນຄັ້ງນີ້ 7 ທ່ານ, ຍິງ 0 ທ່ານ, ເລືອກເອົາ 5 ທ່ານ ເພື່ອເຂົ້າມາຮັບຜິດຊອບຊີ້ນໍາ-ນໍາພາສະມາຊິກຊາວໜຸ່ມເຄື່ອນໄຫວວຽກງານໃນຕໍ່ໜ້າໃຫ້ຕໍ່ເນື່ອງ ຜົນຂອງກອງປະຊຸມຄັ້ງປະຖົມມະລຶກຕົກລົງແຕ່ງຕັ້ງເອົາ ທ່ານ ເປດ ສີສະໝຸດ ເປັນເລຂາ,ທ່ານ ກົມມະລີ ລິດເດດ ເປັນຮອງເລຂາ,ທ່ານ  ພອນສະຫວັນ ຄຳພູມີ ເປັນຮອງເລຂາປະທານກວດກາ ພ້ອມດ້ວຍຄະນະ 2 ທ່ານ.

       ໃນຕອນທ້າຍກອງປະຊຸມກໍ່ໄດ້ຮັບຟັງການໂອ້ລົມຊີ້ທິດເຍືອງທາງຂອງທ່ານ ຈັນສີລອນ ສີສົມບູນ ເພີ່ນໄດ້ມີບາງທັດສະນະຄື :

     ຄະນະຊາວໜຸ່ມຕ້ອງເຂົ້າໃຈເຖິງພະລະບົດບາດ ແລະ ໜ້າທີ່ຂອງແຕ່ລະສະຫາຍເພື່ອນໍາໄປຈັດຕັ້ງປະຕິບັດໃນຕໍ່ໜ້າ,ມີຄວາມຫ້າວຫັນ ບຸກບືນເອົາໃຈໃສ່ສຶກສາ ອົບຮົມການເມືອງແນວຄິດໃຫ້ສະມາຊິກຊາວໜຸ່ມໃຫ້ມີຄວາມໜັກແໜ້ນເຂັ້ມແຂງ,ເອົາໃຈໃສ່ຝຶກຜົນຫຼໍ່ຫຼອມຕົນເອງໃຫ້ມີຄວາມຮູ້ ຄວາມສາມາດເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ.

 ເອົາໃຈໃສ່ເປັນຢ່າງສູງໃນວຽກງານການເມືອງແນວຄິດ ແລະ ປັບປຸງການຈັດຕັ້ງຕາມແນວທາງຂອງພັກໃນການຈັດຕັ້ງບົນພື້ນຖານລະບຽບການຂອງລັດ, ປັບປຸງແບບແຜນການນຳພາວຽກງານການຈັດຕັ້ງໃຫ້ເຂັ້ມແຂງຂື້້ນເລື້ອຍໆ.

 ປັບປຸງແບບແຜນວິທີເຮັດວຽກ, ແບບແຜນວິທີນຳພາຂອງອົງການຈັດຕັ້ງ ຢຶດໝັ້ນຫຼັກການລວາມສູນປະຊາທິປະໄຕ.