Get Adobe Flash player

ພິທີປະກາດ 4 ບຸກຂອງໜ່ວຍຮາກຖານຊາວໜຸ່ມໂຮງຮຽນການເມືອງ-ການປົກຄອງ ແຂວງສາລະວັນ

         ເພື່ອປະຕິບັດຕາມຄຳສັ່ງແນະນຳ 421 / ລຂ ລົງວັນທີ 28 ພະຈິກ 2016 ວ່າດ້ວຍຂໍ້ແຂ່ງຂັນ 4 ບຸກ ໃຫ້ເປັນຂະບວນການຟົດຟື້ນ ແລະ ຕໍ່ເນື່ອງມາໃນວັນທີ 21 ພະຈິກ 2018 ຜ່ານມານີ້ ໜ່ວຍຮາກຖານຊາວໜຸ່ມໂຮງຮຽນການເມືອ-ການປົກຄອງ ແຂວງສາລະວັນໄດ້ປະກາດຮັບຮອງເປັນໜ່ວຍຊາວໜຸ່ມຕົວແບບ 4 ບຸກ

ຂື້ນຢ່າງເປັນທາງການ, ຢູ່ທີ່ຫ້ອງປະຊຸມຂອງໂຮງຮຽນການເມືອ - ການປົກຄອງ ແຂວງ ພາຍໃຕ້ການເປັນປະທານຂອງ ທ່ານ ກຽງໄກ ອຸປະສິດ ເລຂາ ໜ່ວຍຮາກຖານຊາວໜຸ່ມໂຮງຮຽນການເມືອ - ການປົກຄອງ ແຂວງ, ໃຫ້ກຽດເຂົ້າຮ່ວມເປັນຄະນະປະທານມີທ່ານ ຈັນສີລອນ ສີສົມບູນ ກໍາມະການພັກແຂວງ,ກຳມະການສູນກາງຊາວໜຸ່ມ , ເລຂາຄະນະບໍລິຫານງານຊາວໜຸ່ມແຂວງ, ມີທ່ານ ນ ມະນີຊົງ ລືສີສະໝົດ ກຳມະການພັກ ແຂວງ,ເລຂາໜ່ວຍພັກ , ຫົວໜ້າໂຮງຮຽນການເມືອ - ການປົກຄອງ ແຂວງ ພ້ອມດ້ວຍ ອົງການ​ຈັດ​ຕັ້ງ​ມະຫາຊົນ, ແຂກຖືກເຊີນ   ແລະ ສະມາຊິກຊາວໜຸ່ມ​ເຂົ້າຮ່ວມທັງໝົດ 59 ຄົນ, ຍິງ 19 ຄົນ.

       ກອງປະຊຸມ ທ່ານ ຄໍາແຫວນ ພິສິດແສນໄຊ ຮອງເລຂາໜ່ວຍຮາກຖານຊາວໜຸ່ມໂຮງຮຽນການເມືອ - ການປົກຄອງ ກໍ່ໄດ້ຂື້ນຜ່ານບົດສະຫຼຸບ ແລະ ທິດທາງແຜນການໃນການຈັດຕັ້ງປະຕິບັດຂະ​ບວນການ​ຂໍ້​ແຂ່ງຂັນ 4 ບຸກ ໃນໄລຍະຜ່ານມາໄດ້ຍົກໃຫ້ເຫັນດ້ານດີ, ດ້ານອອ່ນເຊັ່ນ: ໜ່ວຍຮາກຖານຊາວໜຸ່ມ ມີ​ສະມາຊິກ​ຊາວໜຸ່ມທັງໝົດ 33 ຄົນ, ຍິງ 19 ຄົນ, ຜ່ານມາໄດ້ຖືເອົາການສຶກສາອົົບຮົມການເມືອງ - ແນວຄິດເປັນຫຼັກ ດ້ວຍການຕໍານິກໍ່ສ້າງເຊີ່ງກັນ ແລະ ກັນ, ຜົນຂອງການເຄື່ອນໄຫວປະຕິບັດຂໍ້ແຂ່ງຂັນ 4 ບຸກໃນໄລຍະຜ່ານມາປະຕິບັດໄດ້ຄື: ບຸກດ້ານການເມືອງ - ແນວຄິດ ປະຕິບັດໄດ້ 94% , ບຸກດ້ານຝຶກຜົນຫຼໍ່ຫຼອມຮໍ່າຮຽນ ປະຕິບັດໄດ້ 93%, ບຸກດ້ານວຽກງານການຈັດຕັ້ງ ປະຕິບັດໄດ້ 92%, ບຸກດ້ານວິຊາຊີບ ແລະ ສ້າງວຽກເຮັດງານທໍາ ປະຕິບັດໄດ້ 94% ມີກອງທືນຊ່ວຍເຫຼືອເຊີ່ງກັນລະກັນ 1.119.000 ກີບ   ເຊິ່ງສະແດງອອກໃນສົກປີຜ່ານມາສະມາຊິກຊາວໜຸ່ມໄດ້ຮັບໃບຢັ້ງຢືນຂັ້ນຄະນະຊາວໜຸ່ມແຂວງ 30 ສະຫາຍ,ຍິງ 7 ສະຫາຍ, ຢັ້ງຢືນຂັ້ນກົມກອງ 3 ສະຫາຍ, ຍິງ 2 ສະຫາຍ, ແລະ ໄດ້ຮັບໃບຢັ້ງຢືນໜ່ວຍຕົວແບບຂັ້ນຄະນະຊາວໜຸ່ມແຂວງ 1 ໜ່ວຍ, ຫຼັງຈາກນັ້ນສະມາຊິກໃນໜ່ວຍຮາກຖານຊາວໜຸ່ມໂຮງຮຽນການເມືອ-ການປົກຄອງ ກໍ່ໄດ້ພ້ອມກັນຈັບມືແຂ່ງຂັນ ນອກຈາກນັ້ນກໍ່ໄດ້ປຸກລະດົມສະມາຊິກຊາວໜຸ່ມຂອງຕົນເຂົ້າຮ່ວມກິດຈະກຳຕ່າງໆທີ່ທາງຄະນະພັກອຳນາດການປົກຄອງຈັດຂື້ນໃນແຕ່ລະຄັ້ງຢ່າງເປັນຂະບວນຟົ້ດຟື້ນ.

     ໃນຕອນທ້າຍ ທ່ານ ຈັນສີລອນ ສີສົມບູນ ກໍ່ໄດ້ຂື້ນໂອ້ລົມຕໍ່ກອງປະຊຸມ ເພິ່ນໄດ້ເນັ້ນໜັກໃຫ້ຄະນະຊາວໜຸ່ມຕ້ອງໄດ້ກຳແໜ້ນວຽກງານສຶກສາອົບຮົມການເມືອງແນວຄິດໃຫ້ມີຄວາມໝັກແໜ້ນເຂັ້ມແຂງ, ກໍາແໜ້ນເນື້ອໃນຂໍ້ແຂ່ງຂັນ 4 ບຸກ,   ເພາະມັນໄດ້ເປັນ​ໄມ້ຫຼາວັດແທກສະມາຊິກຊາວໜຸ່ມເຮົາທຸກໆ​ຄົນ ເພື່ອຈະກາຍເປັນບຸກຄົນຕົວແບບ,ແລະ ເອົາໃຈ​ໃສ່ສູ້ຊົນບຸກບືນຮັກສາມູນເຊື້ອໃຫ້ໄດ້ຮັບຮອງເປັນໜ່ວຍຕົວແບບ 4 ບຸກໃນແຕ່ລະປີໃຫ້ຕໍ່ເນື່ອງ.

ກອງປະຊຸໄດ້ໃຊ້ເວລາໃນການດຳເນີນ 1 ຄາບ ​ແລ້ວກໍ່ປິດ​ລົງ​ຢ່າງ​ເປັນ​ທາງ​ການ.