Get Adobe Flash player

ເມືອງສະໝ້ວຍສຳເລັດກອງປະຊຸມໃຫຍ່ຊາວໜຸ່ມທົ່ວເມືອງ ຄັ້ງທີ VI

ໃນຕອນເຊົ້າວັນທີ 14ກຸມພາ 2019 ຜ່ານມານີ້ ຄະນະບໍລິຫານງານຊາວໜຸ່ມເມືອງສະໝ້ວຍ ແຂວງສາລະວັນ ໄດ້ເປີດກອງປະຊຸມໃຫຍ່ທົ່ວເມືອງ ຄັ້ງທີ VIຂື້ນຢ່າງເປັນທາງການ ຢູ່ສະໂມສອນໃຫຍ່ເມືອງສະໝ້ວຍ ພາຍໃຕ້ການເປັນປະທານຂອງ ສະຫາຍ ນາງ ລາ ສາຍລະເລາະ

ຄະນະບໍລິຫານງານຊາວໜຸ່ມແຂວງ ເລຂາຄະນະບໍລິຫານງານຊາວໜຸ່ມເມືອງສະໝ້ວຍ ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ໂດຍ ສະຫາຍ ຈັນສີລອນ ສີສົມບູນ ກຳມະການພັກແຂວງ, ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ, ມີ ສະຫາຍ ບຸນນານ ປັນຍາຈັກ ຮອງເລຂາພັກເມືອງ ປະທານກວດກາພັກ - ລັດເມືອງສະໝ້ວຍ, ມີກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຜູ້ແທນຊາວໜຸ່ມຈາກຮາກຖານບ້ານ ແລະ ອ້ອມຂ້າງເມືອງພ້ອມດ້ວຍສະມາຊິກຊາວໜຸ່ມ, ແຂກຖືກເຊີນ ແລະ ພະນັກງານອາວຸໂສບຳນານເຂົ້າຮວ່ມທັງໝົດ 90 ສະຫາຍ, ຍິງ 20 ສະຫາຍ. ໃນນັ້ນມີຜູ້ແທນສົມບູນ 74 ສະຫາຍ, ຍິງ 12 ສະຫາຍ.

       ໃນວາລະກອງປະຊຸມ ສະຫາຍ ສີສະໝຸດ ສຸລິໂປຣ ຮອງເລຂາຄະນະບໍລິຫານງານຊາວໜຸ່ມເມືອງສະໝ້ວຍ ກໍ່ໄດ້ຂື້ນຜ່ານບົດລາຍງານການເມືອງ ໃນໄລຍະ 5 ປີຜ່ານມາ ແລະ ແຜນສູ້ຊົນ 5 ປີຕໍ່ໜ້າ ຜ່ານການຈັດຕັ້ງປະຕິບັດການເຄື່ອນໄຫວ ວຽກງານຊາວໜຸ່ມ-ເຍົາວະຊົນ ທົ່ວເມືອງມີສະມາຊິກຊາວໜຸ່ມທົ່ວໄປທັງໝົດ 4,071 ສະຫາຍ, ຍິງ 1,548 ສະຫາຍ.ສະມາຊິກຊາວໜຸ່ມປະຊາຊົນປະຕິວັດລາວ 2,226 ສະຫາຍ,ຍີງ 738 ສະຫາຍ ມີກອງເຍົາວະຊົນທັນວາ 8 ກອງ, ມີ 24 ໝວດ ແລະ 72ໝູ່ ມີສະມາຊິກເຍົາວະຊົນໃນເກນອາຍຸ 8 -14 ປີ 6,108 ນ້ອງ, ຍິງ 1,064 ນ້ອງ,ມີສະມາຊິກອະນຸຊົນໃນເກນອາຍຸ 6-8 ປີ.2,786 ນ້ອງ, ຍິງ 1,274 ນອ້ງ, ໃນໄລຍະ 5 ປີ ຜ່ານມາຄະນະຊາວປະຊາຊົນປະຕິວັດລາວຂັ້ນເມືອງໄດ້ຕັ້ງໜ້າສຶກສາອົບຮົມການເມືອງແນວຄິດເປັນກົກຕິດພັນກັບການປັບປຸງການຈັດຕັ້ງຊາວໜຸ່ມແຕ່ລະຂັ້ນເອົາໃຈໃສຂະຫຍາຍສະມາຊິກ ເລະເອົາວຽກງານຂະບວນການ 4 ບຸກຂອງຊາວໜຸ່ມ ແລະ 3 ດີ 4 ຮູ້ຂອງເຍົາວະຊົນຕິດພັນກັບໜ້າທີ່ວິຊາສະເພາະຂອງແຕ່ລະຂົງເຂດຢ່າງຫ້າວຫັນ , ເຊິ່ງໄດ້ສະແດງອອກສະມາຊິກຊາວໜຸ່ມທົ່ວເມືອງໄດ້ຮັບການຍ້ອງຍໍບຸກຄົນຂັ້ນແຂວງ 63 ສະຫາຍ, ຍິງ 21 ສະຫາຍ, ໜ່ວຍຊາວໜຸ່ມ 19 ໜ່ວຍ,ຍອ້ງຍໍຂັ້ນເມືອງ 87 ສະຫາຍ, ຍິງ 26 ສະຫາຍ, ກອງປະຊຸມກໍ່ໄດ້ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມເມືອງຊຸດໃໝ່ ເຂົ້າມາຮັບຜິດຊອບເພື່ອຊີ້ນຳ - ນໍາພາການເຄື່ອນໄຫວວຽກງານຊາວໜຸ່ມ - ເຍົາວະຊົນ ໃຫ້ເປັນຂະບວນການຟົດຟື້ນ,ເຊິ່ງມີຜູ້ສະໝັກທັງໝົດ 25 ສະຫາຍ, ຍິງ 1 ສະຫາຍ, ຄັດເລືອກເອົາ 21 ສະຫາຍ, ຍິງ 0 ສະຫາຍ, ຜົນຂອງກອງປະຊຸມຄັ້ງປະຖົມມະລຶກຄັ້ງນີ້ໄດ້ຕົກລົງແຕ່ງຕັ້ງເອົາ ສະຫາຍ ບຽດ ໄຊຍະບາດອາຊີງ ເປັນເລຂາຄະນະບໍລິຫານງານຊາວໜຸ່ມເມືອງວາປີຜູ້ໃຫ່ມຄັດເລືອກເອົາສະຫາຍ ຄຳພວງ ແກ້ວມະນີ ເປັນຮອງເລຂາ ແລະສະຫາຍ ກູໄຊ ບືນທະບຽນເປັນຮອງເລຂາທັງເປັນປະທານກວດກາ,ພ້ອມດຽວກັນນັ້ນກອງປະຊຸມໃຫຍ່ຍັງໄດ້ປ່ອນບັດຄັດເລືອກເອົາຜູ້ແທນຊາວໜຸ່ມໄປຮ່ວມກອງປະຊຸມຊາວໜຸ່ມທົ່ວແຂວງສາລະວັນ 10 ສະຫາຍ, ຍິງ 2 ສະຫາຍ ແລະ ຜູ້ແທນສໍາຮອງ 3 ສະຫາຍ.

         ໃນຕອນທ້າຍກອງປະຊຸມ ຍັງໄດ້ຮັບຟັງຄຳໂອ້ລົມຂອງ ສະຫາຍ ຈັນສີລອນ ສີສົມບູນ ເຊິ່ງເພິ່ນໄດ້ມີບາງທັດສະນະດັ່ງນີ້:

ພະນັກງານສະມາຊິກຊາວໜຸ່ມ-ເຍົາວະຊົນບັນດາເຜົ່າ ໃນທົ່ວເມືອງຈົ່ງເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ເປັນເຈົ້າຕົນເອງ ສ້າງຄວາມເຂັ້ມແຂງໃຫ້ຕົນເອງ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຢ່າງສຸດໃຈ.

-       ຊາວໜຸ່ມ - ເຍົາວະຊົນເຮົາຕ້ອງມີຄວາມຫ້າວຫັນ ບຸກບືນເອົາໃຈໃສ່ສຶກສາຮ່ຳຮຽນຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ ເພື່ອປະກອບສ່ວນເຂົ້າໃນການສ້າງສາພັດທະນາປະເທເຊາດທີ່ແສນຮັກໃຫ້ຈະເລີນຮຸ່ງເຮືອງ.

-       ຄະນະຊາວໜຸ່ມ ປະຊາຊົນ ປະຕິວັດລາວ ໃຫ້ຄຳໝັ້ນສັນຍາວ່າ: ຈະຂະຫຍາຍມູນເຊື້ອ ອັັັນສະຫງ່າອົງອາດ ຂອງພັກ-ລັດບົດບາດປະຈຸບຜັນ ປະຕິວັດ ແລະ ວິລະຊົນຂອງຊາວໜຸ່ມລາວບັນດາເຜົ່າ, ເດັດດ່ຽວເດີນຕາມອຸດົມການຂອງພັກ ປະຊາຊົນ ປະຕິວັດລາວຢ່າງສົມສັກສີ.

ກອງປະຊຸມໄດ້ດຳເນີນມາເປັນເວລາ 1 ວັນແລະປິດລົງຢ່າງເປັນທາງການດ້ວຍຜົນສຳເລັດອັນສະຫງ່າງາມທີກອງປະຊຸມຍາດມາໄດ້.