Get Adobe Flash player

ເມືອງຕາໂອ້ຍສຳເລັດກອງປະຊຸມໃຫຍ່ຊາວໜຸ່ມທົ່ວເມືອງ ຄັ້ງທີ VIII

ໃນຕອນເຊົ້າວັນທີ 19ກຸມພາ 2019 ຜ່ານມານີ້ ຄະນະບໍລິຫານງານຊາວໜຸ່ມເມືອງຕາໂອ້ຍ ແຂວງສາລະວັນ ໄດ້ເປີດກອງປະຊຸມໃຫຍ່ທົ່ວເມືອງ ຄັ້ງທີ VIIIຂື້ນຢ່າງເປັນທາງການ ຢູ່ສະໂມສອນໃຫຍ່ເມືອງຕາໂອ້ຍ

ພາຍໃຕ້ການເປັນປະທານຂອງ ສະຫາຍ ວຽງໄຊ ມະຫາທິລາດ ຮັກສາການເລຂາຄະນະບໍລິຫານງານຊາວໜຸ່ມເມືອງຕາໂອ້ຍ ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ໂດຍ ສະຫາຍ ຈັນສີລອນ ສີສົມບູນ ກຳມະການພັກແຂວງ, ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ, ມີ ສະຫາຍ ບຸນຍັງ ສີງຄຳດີ ຮອງເລຂາພັກເມືອງ ປະທານກວດກາພັກ - ລັດເມືອງຕາໂອ້ຍ, ມີກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຜູ້ແທນຊາວໜຸ່ມຈາກຮາກຖານບ້ານ ແລະ ອ້ອມຂ້າງເມືອງພ້ອມດ້ວຍສະມາຊິກຊາວໜຸ່ມ, ແຂກຖືກເຊີນ ແລະ ພະນັກງານອາວຸໂສບຳນານເຂົ້າຮວ່ມທັງໝົດ 155 ສະຫາຍ, ຍິງ 23 ສະຫາຍ. ໃນນັ້ນມີຜູ້ແທນສົມບູນ 108 ສະຫາຍ, ຍິງ 18 ສະຫາຍ.

       ໃນວາລະກອງປະຊຸມ ສະຫາຍ ພູນສຸກ ເພັງສຸວັນ ຮອງເລຂາຄະນະບໍລິຫານງານຊາວໜຸ່ມເມືອງ ກໍ່ໄດ້ຂື້ນຜ່ານບົດລາຍງານການເມືອງ ໃນໄລຍະ 5 ປີຜ່ານມາ ແລະ ແຜນສູ້ຊົນ 5 ປີຕໍ່ໜ້າ ຜ່ານການຈັດຕັ້ງປະຕິບັດການເຄື່ອນໄຫວ ວຽກງານຊາວໜຸ່ມ-ເຍົາວະຊົນ ທົ່ວເມືອງມີສະມາຊິກຊາວໜຸ່ມທົ່ວໄປທັງໝົດ 9,713 ສະຫາຍ, ຍິງ 4,003 ສະຫາຍ.ສະມາຊິກຊາວໜຸ່ມປະຊາຊົນປະຕິວັດລາວ 2,647 ສະຫາຍ,ຍີງ 1,119 ສະຫາຍ ມີ 95 ຮາກຖານ, ມີກອງເຍົາວະຊົນທັນວາ 8 ກອງ, ມີ 33 ໝວດ ແລະ 67ໝູ່ ມີສະມາຊິກເຍົາວະຊົນໃນເກນອາຍຸ 9 -14 ປີ 3,854 ນ້ອງ, ຍິງ 1,739 ນ້ອງ,ມີສະມາຊິກອະນຸຊົນໃນເກນອາຍຸ 6-8 ປີ.2,543 ນ້ອງ, ຍິງ 1,135 ນອ້ງ, ໃນໄລຍະ 5 ປີ ຜ່ານມາຄະນະຊາວປະຊາຊົນປະຕິວັດລາວຂັ້ນເມືອງໄດ້ຕັ້ງໜ້າສຶກສາອົບຮົມການເມືອງແນວຄິດເປັນກົກຕິດພັນກັບການປັບປຸງການຈັດຕັ້ງຊາວໜຸ່ມແຕ່ລະຂັ້ນເອົາໃຈໃສຂະຫຍາຍສະມາຊິກ ເລະເອົາວຽກງານຂະບວນການ 4 ບຸກຂອງຊາວໜຸ່ມ ແລະ 3 ດີ 4 ຮູ້ຂອງເຍົາວະຊົນຕິດພັນກັບໜ້າທີ່ວິຊາສະເພາະຂອງແຕ່ລະຂົງເຂດຢ່າງຫ້າວຫັນ , ເຊິ່ງໄດ້ສະແດງອອກສະມາຊິກຊາວໜຸ່ມທົ່ວເມືອງໄດ້ຮັບການຍ້ອງຍໍບຸກຄົນຂັ້ນແຂວງ 20 ສະຫາຍ, ຍິງ 2 ສະຫາຍ, ໜ່ວຍຊາວໜຸ່ມ 26 ໜ່ວຍ,ຍອ້ງຍໍຂັ້ນເມືອງ 353 ສະຫາຍ, ຍິງ 147 ສະຫາຍ, ກອງປະຊຸມກໍ່ໄດ້ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມເມືອງຊຸດໃໝ່ ເຂົ້າມາຮັບຜິດຊອບເພື່ອຊີ້ນຳ - ນໍາພາການເຄື່ອນໄຫວວຽກງານຊາວໜຸ່ມ - ເຍົາວະຊົນ ໃຫ້ເປັນຂະບວນການຟົດຟື້ນ,ເຊິ່ງມີຜູ້ສະໝັກທັງໝົດ 25 ສະຫາຍ, ຍິງ 3 ສະຫາຍ, ຄັດເລືອກເອົາ 21 ສະຫາຍ, ຍິງ 3 ສະຫາຍ, ຜົນຂອງກອງປະຊຸມຄັ້ງປະຖົມມະລຶກຄັ້ງນີ້ໄດ້ຕົກລົງແຕ່ງຕັ້ງເອົາ ສະຫາຍ ວຽງໄຊ ມະຫາທິລາດ ເປັນເລຂາຄະນະບໍລິຫານງານຊາວໜຸ່ມເມືອງວາປີຜູ້ໃຫ່ມຄັດເລືອກເອົາສະຫາຍ ບຸນລອ້ມ ແກ້ວມີໄຊ ເປັນຮອງເລຂາ ແລະ ສະຫາຍ ກິຄຳ ສີນລິດສະໝີ ເປັນຮອງເລຂາທັງເປັນປະທານກວດກາ,ພ້ອມດຽວກັນນັ້ນກອງປະຊຸມໃຫຍ່ຍັງໄດ້ປ່ອນບັດຄັດເລືອກເອົາຜູ້ແທນຊາວໜຸ່ມໄປຮ່ວມກອງປະຊຸມຊາວໜຸ່ມທົ່ວແຂວງສາລະວັນ 10 ສະຫາຍ, ຍິງ 2 ສະຫາຍ ແລະ ຜູ້ແທນສໍາຮອງ 3 ສະຫາຍ.

 

         ໃນຕອນທ້າຍກອງປະຊຸມ ຍັງໄດ້ຮັບຟັງຄຳໂອ້ລົມຂອງ ສະຫາຍ ຈັນສີລອນ ສີສົມບູນ ເຊິ່ງເພິ່ນໄດ້ມີບາງທັດສະນະດັ່ງນີ້:

ພະນັກງານສະມາຊິກຊາວໜຸ່ມ-ເຍົາວະຊົນບັນດາເຜົ່າ ໃນທົ່ວເມືອງຈົ່ງເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ເປັນເຈົ້າຕົນເອງ ສ້າງຄວາມເຂັ້ມແຂງໃຫ້ຕົນເອງ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຢ່າງສຸດໃຈ.

-       ຊາວໜຸ່ມ - ເຍົາວະຊົນເຮົາຕ້ອງມີຄວາມຫ້າວຫັນ ບຸກບືນເອົາໃຈໃສ່ສຶກສາຮ່ຳຮຽນຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ ເພື່ອປະກອບສ່ວນເຂົ້າໃນການສ້າງສາພັດທະນາປະເທເຊາດທີ່ແສນຮັກໃຫ້ຈະເລີນຮຸ່ງເຮືອງ.

-       ຄະນະຊາວໜຸ່ມ ປະຊາຊົນ ປະຕິວັດລາວ ໃຫ້ຄຳໝັ້ນສັນຍາວ່າ: ຈະຂະຫຍາຍມູນເຊື້ອ ອັັັນສະຫງ່າອົງອາດ ຂອງພັກ-ລັດບົດບາດປະຈຸບຜັນ ປະຕິວັດ ແລະ ວິລະຊົນຂອງຊາວໜຸ່ມລາວບັນດາເຜົ່າ, ເດັດດ່ຽວເດີນຕາມອຸດົມການຂອງພັກ ປະຊາຊົນ ປະຕິວັດລາວຢ່າງສົມສັກສີ.

ກອງປະຊຸມໄດ້ດຳເນີນມາເປັນເວລາ 1 ວັນແລະປິດລົງຢ່າງເປັນທາງການດ້ວຍຜົນສຳເລັດອັນສະຫງ່າງາມທີກອງປະຊຸມຍາດມາໄດ້.