Get Adobe Flash player

ເມືອງວາປີສຳເລັດກອງປະຊຸມໃຫຍ່ຊາວໜຸ່ມທົ່ວເມືອງ ຄັ້ງທີ VII

ໃນຕອນເຊົ້າວັນທີ 30ພືດສະພາ 2019 ຜ່ານມານີ້ ຄະນະບໍລິຫານງານຊາວໜຸ່ມເມືອງວາປີ ແຂວງສາລະວັນ ໄດ້ເປີດກອງປະຊຸມໃຫຍ່ທົ່ວເມືອງ ຄັ້ງທີ VIIຂື້ນຢ່າງເປັນທາງການ

ຢູ່ສະໂມສອນໃຫຍ່ເມືອງວາປີ ພາຍໃຕ້ການເປັນປະທານຂອງ ສະຫາຍ

ວົງໄຊ ວົງສາລາດ ກຳມະການພັກເມືອງ ຄະນະບໍລິຫານງານຊາວໜຸ່ມແຂວງສາລະວັນ ເລຂາຄະນະບໍລິຫານງານຊາວໜຸ່ມເມືອງວາປີ ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ໂດຍ ສະຫາຍ ຈັນສີລອນ ສີສົມບູນ ກຳມະການພັກແຂວງ, ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ, ມີ ສະຫາຍ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງວາປີ, ມີກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຜູ້ແທນຊາວໜຸ່ມຈາກຮາກຖານບ້ານ ແລະ ອ້ອມຂ້າງເມືອງພ້ອມດ້ວຍສະມາຊິກຊາວໜຸ່ມ, ແຂກຖືກເຊີນ ແລະ ພະນັກງານອາວຸໂສບຳນານເຂົ້າຮວ່ມທັງໝົດ 124 ສະຫາຍ, ຍິງ 21 ສະຫາຍ. ໃນນັ້ນມີຜູ້ແທນສົມບູນ 99 ສະຫາຍ, ຍິງ 18 ສະຫາຍ.

       ໃນວາລະກອງປະຊຸມ ສະຫາຍ ພູຂົງ ເຄື່ອງຄຳມະນີ ຮອງເລຂາຄະນະບໍລິຫານງານຊາວໜຸ່ມເມືອງ ກໍ່ໄດ້ຂື້ນຜ່ານບົດລາຍງານການເມືອງ ໃນໄລຍະ 5 ປີຜ່ານມາ ແລະ ແຜນສູ້ຊົນ 5 ປີຕໍ່ໜ້າ ຜ່ານການຈັດຕັ້ງປະຕິບັດການເຄື່ອນໄຫວ ວຽກງານຊາວໜຸ່ມ-ເຍົາວະຊົນ ທົ່ວເມືອງມີຊາວໜຸ່ມທົ່ວໄປທັງໝົດ 6,727 ສະຫາຍ, ຍິງ 3,784 ສະຫາຍ.ສະມາຊິກຊາວໜຸ່ມປະຊາຊົນປະຕິວັດລາວ 2,647 ສະຫາຍ,ຍີງ 1,119 ສະຫາຍ ມີ 95 ຮາກຖານ, ມີກອງເຍົາວະຊົນທັນວາ 15 ກອງ, ມີ 45 ໝວດ ແລະ 150ໝູ່ ມີສະມາຊິກເຍົາວະຊົນໃນເກນອາຍຸ 9 -14 ປີ 2,776 ນ້ອງ, ຍິງ 1,522 ນ້ອງ,ມີສະມາຊິກອະນຸຊົນໃນເກນອາຍຸ 6-8 ປີ.1,903 ນ້ອງ, ຍິງ 1,099 ນອ້ງ, ໃນໄລຍະ 5 ປີ ຜ່ານມາຄະນະຊາວປະຊາຊົນປະຕິວັດລາວຂັ້ນເມືອງໄດ້ຕັ້ງໜ້າສຶກສາອົບຮົມການເມືອງແນວຄິດເປັນກົກຕິດພັນກັບການປັບປຸງການຈັດຕັ້ງຊາວໜຸ່ມແຕ່ລະຂັ້ນເອົາໃຈໃສຂະຫຍາຍສະມາຊິກແລະເອົາວຽກງານຂະບວນການ 4 ບຸກຂອງຊາວໜຸ່ມ ແລະ 3 ດີ 4 ຮູ້ຂອງເຍົາວະຊົນຕິດພັນກັບໜ້າທີ່ວິຊາສະເພາະຂອງແຕ່ລະຂົງເຂດຢ່າງຫ້າວຫັນ , ເຊິ່ງໄດ້ສະແດງອອກສະມາຊິກຊາວໜຸ່ມທົ່ວເມືອງໄດ້ຮັບການຍ້ອງຍໍບຸກຄົນຂັ້ນແຂວງ 20 ສະຫາຍ, ຍິງ 2 ສະຫາຍ, ໜ່ວຍຊາວໜຸ່ມ 26 ໜ່ວຍ,ຍອ້ງຍໍຂັ້ນເມືອງ 353 ສະຫາຍ, ຍິງ 147 ສະຫາຍ ແລະໄດ້ປະກາດເປັນເມືອງຊາວໜຸ່ມ 4 ບຸກ ແລະ ເມືອງເຍົາວະຊົນ 3 ດີ 4 ຮູ້ ,ກອງປະຊຸມກໍ່ໄດ້ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມເມືອງຊຸດໃໝ່ ເຂົ້າມາຮັບຜິດຊອບເພື່ອຊີ້ນຳ - ນໍາພາການເຄື່ອນໄຫວວຽກງານຊາວໜຸ່ມ - ເຍົາວະຊົນ ໃຫ້ເປັນຂະບວນການຟົດຟື້ນ,ເຊິ່ງມີຜູ້ສະໝັກທັງໝົດ 25 ສະຫາຍ, ຍິງ 2 ສະຫາຍ, ຄັດເລືອກເອົາ 21 ສະຫາຍ, ຍິງ 1 ສະຫາຍ, ຜົນຂອງກອງປະຊຸມຄັ້ງປະຖົມມະລຶກຄັ້ງນີ້ໄດ້ຕົກລົງແຕ່ງຕັ້ງເອົາ ສະຫາຍ ພູຂົງ ເຄື່ອງຄຳມະນີ ເປັນເລຂາຄະນະບໍລິຫານງານຊາວໜຸ່ມເມືອງວາປີຜູ້ໃຫ່ມຄັດເລືອກເອົາສະຫາຍ ວຽງຄອນ ຄຳພູມີ ເປັນຮອງເລຂາ ແລະ ສະຫາຍ ຜອຍ ດາວັນ ເປັນຮອງເລຂາທັງເປັນປະທານກວດກາ,ພ້ອມດຽວກັນນັ້ນກອງປະຊຸມໃຫຍ່ຍັງໄດ້ປ່ອນບັດຄັດເລືອກເອົາຜູ້ແທນຊາວໜຸ່ມໄປຮ່ວມກອງປະຊຸມຊາວໜຸ່ມທົ່ວແຂວງສາລະວັນ 13 ສະຫາຍ, ຍິງ 1 ສະຫາຍ ແລະ ຜູ້ແທນສໍາຮອງ 3 ສະຫາຍ.

         ໃນຕອນທ້າຍກອງປະຊຸມ ຍັງໄດ້ຮັບຟັງຄຳໂອ້ລົມຂອງ ສະຫາຍ ຈັນສີລອນ ສີສົມບູນ ເຊິ່ງເພິ່ນໄດ້ມີບາງທັດສະນະດັ່ງນີ້:

ພະນັກງານສະມາຊິກຊາວໜຸ່ມ-ເຍົາວະຊົນບັນດາເຜົ່າ ໃນທົ່ວເມືອງຈົ່ງເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ເປັນເຈົ້າຕົນເອງ ສ້າງຄວາມເຂັ້ມແຂງໃຫ້ຕົນເອງ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII ຢ່າງສຸດໃຈ.

-       ຊາວໜຸ່ມ - ເຍົາວະຊົນເຮົາຕ້ອງມີຄວາມຫ້າວຫັນ ບຸກບືນເອົາໃຈໃສ່ສຶກສາຮ່ຳຮຽນຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ ເພື່ອປະກອບສ່ວນເຂົ້າໃນການສ້າງສາພັດທະນາປະເທເຊາດທີ່ແສນຮັກໃຫ້ຈະເລີນຮຸ່ງເຮືອງ.

-       ຄະນະຊາວໜຸ່ມ ປະຊາຊົນ ປະຕິວັດລາວ ໃຫ້ຄຳໝັ້ນສັນຍາວ່າ: ຈະຂະຫຍາຍມູນເຊື້ອ ອັັັນສະຫງ່າອົງອາດ ຂອງພັກ-ລັດບົດບາດປະຈັນບານ ປະຕິວັດ ແລະ ວິລະຊົນຂອງຊາວໜຸ່ມລາວບັນດາເຜົ່າ, ເດັດດ່ຽວເດີນຕາມອຸດົມການຂອງພັກ ປະຊາຊົນ ປະຕິວັດລາວຢ່າງສົມສັກສີ.

ກອງປະຊຸມໄດ້ດຳເນີນມາເປັນເວລາ 1 ວັນແລະປິດລົງຢ່າງເປັນທາງການດ້ວຍຜົນສຳເລັດອັນສະຫງ່າງາມທີກອງປະຊຸມຍາດມາໄດ້.