Get Adobe Flash player

ພິທີຝຶກອົບຮົມສ້າງເຄືອຂ່າຍໃຫ້ຜູ້ຮັບຜິດຊອບວຽກງານຊາວໜຸ່ມ - ເຍົາວະຊົນໃຫ້ກາຍເປັນນັກໂຄສະນາສະກັດກັ້ນ ແລະ ຕ້ານການຄ້າມະມຸດ

ໃນລະຫ່າງວັນທີ 17 - 18 ມີຖຸນາ 2019 ກົມເຍົາວະຊົນສູນກາງຊາວໜຸ່ມປະຊາຊົນປະຕິວັດລາວ,ໄດ້ຈັດການ ຝຶກອົບຮົມສ້າງເຄືອຂ່າຍໃຫ້ຜູ້ຮັບຜິດຊອບວຽກງານຊາວໜຸ່ມ - ເຍົາວະຊົນໃຫ້ກາຍເປັນນັກໂຄສະນາສະກັດກັ້ນ ແລະ ຕ້ານການຄ້າມະມຸດ

ໃນຫົວຂໍ້: ສ້າງເຄືອຂ່າຍໃຫ້ຜູ້ຮັບຜິດຊອບວຽກງານຊາວໜຸ່ມ - ເຍົາວະຊົນໃຫ້ກາຍເປັນນັກໂຄສະນາສະກັດກັ້ນ ແລະ ຕ້ານການຄ້າມະມຸດ ເປັນກຽດເຂົ້າຮ່ວມເປີດພິທີຝຶກອົບຮົມຂອງ ທ່ານ ນ.ວິໄລວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະທານກວດກາສູນກາງຊາວໜຸ່ມປະຊາຊົນປະຕິວັດລາວ , ທ່ານ ຈັນສີລອນ ສີສົມບູນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງສາລະວັນ,ທ່ານ ສີເສີດ ສອນດາລາ ຮັກສາການ ປກສ ແຂວງ ຮອງປະທານຄະນະກຳມະການຕ້ານການຄ້າມະນຸດຂັ້ນແຂວງ ມີຜູ້ຮັບຜິດຊອບວຽກງານເຍົາວະຊົນພ້ອມດ້ວຍນ້ອງນ້ອຍເຍົາວະຊົນ 8 ຕົວເມືອງ, ພະແນກການອ້ອມຂ້າງແຂວງ,ຫົວໜ້າກົມ ແລະ ຮອງກົມຈາກສູນກາງ ມີບັນດາຂະແໜງຈາກຫອ້ງການຊາວໜຸ່ມເຂົ້າຮ່ວມ ຈຳນວນ 52 ສະຫາຍ,ຍິງ 29 ສະຫາຍ.

         ກິດຈະກໍາມີ​ຄື: ສະພາບການຄ້າມະນຸດໃນໂລກ ແລະ ພາກພືນ,ສະພາບສະຖິຕິການຄ້າມະນຸດທີ່ຖືກສົ່ງກັບທາງການ(ຖືກກົດໝາຍ) ແລະ ສະພາບສະຖິຕິການຄ້າມະນຸດທີ່ຖືກສົ່ງກັບບໍ່ເປັນທາງການ(ຜິດກົດໝາຍ),ຮູບແບບການຄ້າມະນຸດຢູ່ ສປປ ລາວ, ວິທີການຂອງຂະບວນການຄ້າມະນຸດ ນຳສະເໜີໂດຍທ່ານ ນາງ ແກ້ວອຸດອນ ຈັນມະນີວົງ ກຳມະການສູນກາງຊາວໜຸ່ມ ສະມາຊິກກອງເລຂາຕ້ານການຄ້າມະນຸດປະຈຳຊາດ ຫົວໜ້າກົມເຍົາວະຊົນ,ຝຶກທັກສະການປາກເວົ້າ ແລະ ການໂຄສະນາ ນຳສະເໜີໂດຍທ່ານ ທອງແດງ ສານປະເສີດ ຮອງຫົວໜ້າກົມກວດກາ ສູນກາຊາວໜຸ່ມ,ວຽກງານ 3ດີ 4ຮູ້ ນຳສະເໜີໂດຍທ່ານ ຈັນທະພອນ   ສຸລິວົງ ຮັກສາການຫົວໜ້າພະແນກຂະບວນການ ຕິດພັນກັບການເຜີຍແຜ່ຂໍ້ມູນທີ່ສຳຄັນກໍ່ໄດ້ມີກິດຈະກຳຖາມ-ຕອບ ຈຸດປະສົງ​​ໃນ​ການ​ຝຶກອົບຮົມໃນ​ຄັ້ງ​ນີ້ແມ່ນ​ເພື່ອຝຶກອົບຮົມສ້າງເຄືອຂ່າຍໃຫ້ຜູ້ຮັບຜິດຊອບວຽກງານຊາວໜຸ່ມ - ເຍົາວະຊົນໃຫ້ກາຍເປັນນັກໂຄສະນາສະກັດກັ້ນ ແລະ ຕ້ານການຄ້າມະນຸດ​ໃຫ້ຊາວໜຸ່ມ ແລະ ເຍົາວະຊົນເຊິ່ງເປັນກຸ່ມເປົ້າໝາຍ ຕິດພັນກັບການແລກປ່ຽນບົດຮຽນລະຫວ່າງສູນກາງຊາວໜຸ່ມ ແລະ ຜູ້ຮັບຜິດອບວຽກງານຊາວໜຸ່ມ - ​ເຍົາວະ​ຊົນຂອງທ້ອງຖິ່ນ ແລະ ຮາກ ພ້ອມທັງ​ເປັນ​ການປູກຈິດສຳນຶກໃຫ້ ຊາວໜຸ່ມ - ເຍົາວະຊົນ,ອະນຸຊົນ ໃຫ້ມີຄວາມສາມັກຄີ ຮູ້ຮັກແພງຊ່ວຍເຫຼືອເຊີ່ງກັນ ແລະ ກັນ, ຮູ້ຮັກການຮໍ່າຮຽນ, ຮູ້ຮັກປະເທດຊາດ, ຮັກບ້ານເກີດເມືອງນອນ, ຮັກມູນເຊື້ອປະຫວັດສາດ ປະຕິບັດຕາມຄຳສອນຂອງທ່ານຜູ້ນຳຄື: 6 ຮັກ 3 ຊັງ ແລະ ຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນທັນວາ.

ການຝຶກອົບຮົມ​ແມ່ນ​ໄດ້ດໍາ​ເນີນ​​ເປັນ​ເວລາ 2 ວັນ​ກໍ່ປິດ​ລົງ.