Get Adobe Flash player

ກອງປະຊຸມຄົບຄະນະປະຈໍາ ຄະນະບໍລິຫານງານຊາວໜຸ່ມແຂວງສາລະວັນ ສະໄໝທີ VI

ກອງປະຊຸມຄົບຄະນະປະຈໍາ ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ແຂວງສາລະວັນ ສະໄໝທີ VI (ປະຈໍາ 6 ເດືອນຕົ້ນປີ 2019 ແລະ ທິດທາງແຜນການ 6 ເດືອນທ້າຍປີ 2019 )

ໄດ້ເປີດຂື້ນຢ່າງເປັນທາງການໃນວັນທີ 17 ມິຖຸນາ 2019 ຢູ່ທີ່ຫ້ອງປະຊຸມສະໂມສອນໃຫ່ຍຂອງແຂວງ ( ຫອ້ງ VIP ) ພາຍໃຕ້ການເປັນປະທານຂອງທ່ານ ນ. ວິໄລວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະທານກວດກາສູນກາງຊາວໜຸ່ມປະຊາຊົນປະຕິວັດລາວ , ທ່ານ ຈັນສີລອນ ສີສົມບູນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງສາລະວັນ ມີຄະນະບໍລິຫານງານຊາວໜຸ່ມ 8 ຕົວເມືອງ ຄະນະບໍລິຫານງານຊາວໜຸ່ມຈາກອ້ອມຂ້າງແຂວງ,ຫົວໜ້າກົມ ແລະ ຮອງກົມຈາກສູນກາງ ມີຫົວໜ້າຂະແໜງຈາກຫອ້ງການຊາວໜຸ່ມເຂົ້າຮ່ວມ ຈຳນວນພົນເຂົ້າຮ່ວມທັງໝົດ 87 ທ່ານ, ຍິງ 10 ທ່ານ.

 

     ຈາກນັ້ນກອງປະຊຸມກໍ່ໄດ້ຮັບຟັງ ການຜ່ານບົດສະຫຼຸບການເຄື່ອນໄຫວວຽກງານ ຊາວໜຸ່ມ - ເຍົາວະຊົນ ໄລຍະ 6 ເດືອນຕົ້ນປີ 2019 ແລະ ທິດທາງແຜນການ 6 ເດືອນທ້າຍປີ 2019 ຜ່ານໂດຍ ທ່ານ ນ ອອ່ນສາ ຄໍາໄພວັນ ຄະນະບໍລິຫານງານຊາວໜຸ່ມແຂວງ ຫົວໜ້າຫ້ອງການຊາວໜຸ່ມແຂວງ, ໂດຍຊີ້ໃຫ້ເຫັນວ່າຄຊປປລ ແຂວງຖືເອົາການສຶກສາອົບຮົມການເມືອງແນວຄິດຕິດພັນກັບການປັບປຸງການຈັດຕັ້ງ ແລະ ວຽກງານຂະບວນການ, ເປັນເຈົ້າການໃນການປະຕິບັດແນວທາງນະໂຍບາຍຂອງພັກ - ລະບຽບກົດໝາຍຂອງລັດກໍ່ຄືແຜນພັດທະນາຊາວໜຸ່ມ - ເຍົາວະຊົນຢ່າງຕັ້ງໜ້າ,ທົ່ວແຂວງສາລະວັນມີໜ່ວຍຮາກຖານຊາວໜຸ່ມທັງໝົດ 874 ຮາກຖານ, ຮັບຮອງແລະ ປະກາດ 4 ບຸກແລ້ວ 764 ໜ່ວຍ, ມີຈໍານວນໄວໜຸ່ມທົ່ວໄປທັງໝົດ 122,700 ຄົນ, ຍິງ 62,004 ຄົນ, ມີສະມາຊິກຊາວໜຸ່ມ ປະຊາຊົນ ປະຕິວັດລາວ ທັງໝົດ 31.329 ຄົນ, ຍິງ 13.123 ຄົນ , ເປັນພະນັກງານລັດຖະກອນ 6,175 ຄົນ, ຍິງ 2,239 ຄົນ, ເປັນນັກຮຽນນັກສືກສາ 9,386 ຄົນ, ຍິງ 3,977 ຄົນ, ເປັນກໍາມະກອນ-ກະສິກອນ 10,619 ຄົນ, ຍິງ 3,280 ຄົນ, ຄ້າຂາຍ 1,694 ຄົນ, ຍິງ 720 ຄົນ,ມີກອງເຍົາວະຊົນ 180 ກອງ,ມີໝວດ 618 ໝວດ, ມີໝູ່ 3,481 ໝູ່, ປະກາດກອງເຍົາວະຊົນ 3 ດີ 4 ຮູ້ໄດ້ 163 ກອງ,ມີອະນຸຊົນເກນອາຍຸ 6 – 8 ປີ 33,247 ນ້ອງ, ຍິງ 16,443 ນ້ອງ, ມີຈໍານວນສະມະຊິກເຍົາວະຊົນ ເກນອາຍຸ 9-14 ປີ 43.433 ນ້ອງ, ຍິງ 21.293 ນ້ອງ,ສະມາຊິກເຍົາວະຊົນທັນວາ 35,961 ນ້ອງ, ຍິງ 18,079 ນ້ອງ ຈາກນັ້ນຜູ້ແທນກອງປະຊຸມກໍ່ໄດ້ປະກອບຄໍາຄິດເຫັນຢ່າງກົງໄປກົງມາຕໍ່ກອງປະຊຸມ.

         ໃນຕອນທ້າຍຂອງກອງປະຊຸມ ຍັງໄດ້ຮັບຟັງ ຄຳໂອ້ລົມຂອງທ່ານ ນ. ວິໄລວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະທານກວດກາສູນກາງຊາວໜຸ່ມ ປະຊາຊົນ ປະຕິວັດລາວ ເຊີ່ງເພິ່ນໄດ້ເນັ້ນໜັກດັ່ງນີ້:

-     ຖືສໍາຄັນວຽກງານການປັບປຸງການຈັດຕັ້ງໃຫ້ສອດຄ່ອງກັບວຽກງານຕົວຈິງ,ການປັບປຸງແບບແຜນການເຮັດວຽກ ແລະ ການນໍາພາໃນແຕ່ລະດ້ານ.

-     ເອົາໃຈໃສ່ວຽກງານການສ້າງຂະບວນການເພື່ອຂໍ່ານັບຮັບຕ້ອນກອງປະຊຸມໃຫ່ຍຂັ້ນຕ່າງໆ, ວັນສໍາຄັນຕ່າງໆຂອງຊາດ ໃຫ້ເປັນຂະບວນການຟົດຟື້ນ.

-     ຄະນະບໍລິຫານງານຊາວໜຸ່ມເມືອງ ແລະ ໜ່ວຍຮາກຖານອ້ອມຂ້າງຕ້ອງຖືສໍາຄັນວຽກງານການດໍາເນີນຊີວິດການເມືອງ, ການຕໍານິສົ່ງຂ່າວກໍ່ສ້າງຊ່ວຍເຫຼືອເຊິ່ງກັນ ແລະ ກັນຢ່າງເປັນປົກກະຕິ ແລະ ຕໍ່ເນື່ອງ.

ກອງປະຊຸມໄດ້ດຳເນີນໄປເປັນເວລາ 1 ຄາບ ແລະ ປິດລົງຢ່າງເປັນທາງການ ດ້ວຍຜົນສໍາເລັດອັນ ສະຫງ່າງາມ.